მოჩუქურთმებული ხის დაფა - "ბოლნისის მნათობები"

ამბავი:

სიმბოლოს წარმომავლობა - ქართლი, ბოლნისის სიონის კედლის ჩუქურთმა, V საუკუნე 

ორნამენტის ესკიზი ბოლნისის ტაძრის კედლის დეკორის შთაგონებით შევქმენით და შემდეგ დაფაზე მოვაჩუქურთმეთ. ორნამენტის პერიფერიები კი ტალღისებური თლილებით გავაფორმეთ. ყვავილი არ გეგონოს, მიუხედავად იმისა რომ ძალიან ჰგავს, ეს გრძივი კანტი არა ყვავილებს , არამედ მნათობებს განასახიერებს. თურმე, მთაში ოთხმხრიან, ხაზოვნად ან ფოთლის მსგავს ჯვრისებრ ფიგურებს ვარსკვლავს ეძახდნენ. საგულისხმოა რომ ეს ფორმები ცის მცირე მნათობებს აღნიშნავდნენ, რადგან დედა ბოძზე ბორჯღალასთან, როგორც მზის სიმბოლოსთან მიმართებით, კომპოზიციის პერიფერიულ ნაწილს იკავებდნენ.

დაფა შეგიძლია გამოიყნეო, როგორც სუფრის გასაფორმებლად ასევე კედლის ან კუთხის მაგიდის დეკორად. კაკლის ფაქტურა და ქართულ ორნამენტი უკვე ესთეტიკური ხელოვნების ნიმუშია…

ამავე ტაძრის ორნამენტების მიხედვითაა შექმნილი:  დაფა სიცოცხლის ხე, დაფა ედემის ცხოველები და მაგიდის ბილიკი ბოლნისის მნათობები.

ჩვებს შესახებ:

ამბები, რომლებიც ხატობაზე თუ ძილისპირულ ზღაპრებში ისმინება, ქვაქარგულობაში თუ ბუკინისტურ დახლებზე მივიწყებულ წიგნებში იკითხება, ყველაზე გულწრფელად გვიყვება ჩვენზე, როგორც ერზე. ამიტომაც გავხდით გულითმაძიებლები და წარმოიდგინეთ , რომ ჩვენც შენთან ერთად მივყვებით გზას ამ მისტიურ სამყაროში. ჩვენს აღმოჩენებს კი მთელი გულით გიზიარებთ, რადგან გვგონია, რომ თუ მათ ერთხელ შენც მოისმენ ჩვენსავით საგანძურის მცველი გახდები, გულით ატარებ თუ უმასპინძლებ , ამბავი შენით განაგრძობს თხრობას…

ვრცლად

მოვლა & მახასიათებლები:

• მოარიდეთ მზის პირდაპირ სხივს! აქვს ძირითადად დეკორატიული ხასიათი. არ გარეცხოთ ჭურჭლის სარეცხ მანქანაში! გარეცხვა შესაძლებელია ხელით მაგრამ წყალში დიდხანს გაჩერება არ არის რეკომენდირებული.  შეამშრალეთ ხელსახოცით. არ დაუსვათ ბასრი საგანი!
• ზომა - 30/20სმ
• მასალა - კაკალი, ნატურალური ზეთი